سەرەتایەک بۆ فیزیای تەنۆلکەیی، بەشی سێیەم: مێژووی دۆزینەوەکانی فیزیای تەنۆلکەیی

ئەو چوارچێوە تیۆرییەی ئێستا وەسفی تەنۆلکە سەرەتاییەکان و هێزەکانیان دەکات و پێی دەگوترێت مۆدێلی ستاندارد (standard model)، لە سەر ئەو تاقیکردنەوانە بنیات نراوە کە لە ساڵی ١٨٩٧-ەوە و بە دۆزینەوەی ئەلیکترۆن دەستیان پێکرد. 

لە ئێستادا دەزانین کە ٦ لێپتۆن، ٦ کوارک، چوار هەڵگری هێز و بۆزۆنی هیگز ئەو تەنۆلکانەن کە هەن. ئەم لیستەی خوارەوە، بەرواری دۆزینەوە گرنگەکان، ناوی زاناکان و ئەو تاقیگانەی دۆزینەوەکەی تێدا ئەنجام دراوە، هەروەها ئەو خەڵاتی نۆبڵانەی تێدایە کە لە بری ئەو دۆزینەوانە بەخشراون بە زاناکان.