ماستەرکڵاسی بیرکردنەوە و گفتوگۆی زانستی بە ژێرنووسی کوردی

وەرگێرانەکە بە کۆتا گەیشت وەک لە بەشی سەرەوەدا دەبینن سەرجەم وانەکان ئێستا بەردەستن.لە ئێستادا تۆ دەتوانیت بە چەند ڕێگایەک یارمەتیدەر بیت:

٢. بۆ ئەوەی ئەم کارە ئامانجی خۆی بپێکێت، پێشنیارێکم هەیە کە بە ڕاستی ئەمەیان زۆر گرنگە بەلامەوە. پێشنیارەکەشم بۆ هەمووانە. ئەگەر مامۆستایت دەتوانیت لە زانکۆ یان لەخوێندنگا کاتێکی دیاریکراو لە هەفتەکەدا دابنێیت کە وەکوو چالاکییەکی دەرەکی لەگەڵ خوێندکارەکانتدا هەر هەفتەی سەیری وانەیەکی ئەم ماستەرکڵاسە بکەن. خۆ ئەگەر خوێندکاریت دەتوانیت لەگەڵ هاوپۆل یان هاوڕێکانت ئەمە بکەیت. دەتوانن ئەمە بکەن بە سەرەتایەک بۆ ئەوەی بازنەیەک یان کۆمەڵەیەکی بیرکردنەوەی زانستی دروستبکەن. بەڵام لە هەمووی گرنگتر ئەوەیە کە دوای سەیرکردنی هەر وانەیەک ببێتە گفتوگۆ و هەر کەسە و ڕای خۆی بڵێت و هەمووان پێکەوە بکەونە باسکردنی بابەتی ئەو وانەیەی ئەو ڕۆژە سەیرتان کردووە و گوێبیستی بوون. ئەمە کاتێکی زۆر کەمی دەوێت چونکە کاتی هەر وانەیەکی ماستەرکڵاسەکە لە ٥ بۆ ١٥ خولەک تێناپەڕێت و دەکرێت بە گفتوگۆ و باسکردنەکەوە ئەوپەڕەکەی بگاتە ٤٠ بۆ ٦٠ خولەک. بەڵام بە دڵنیاییەوە کاریگەرییەکی لە ڕادەبەدەری ئەبێت لەسەر بیرکردنەوە و تێڕوانینی بەشداربووەکان. بە تایبەت ئەگەر مامۆستایت و بەشداربووەکان خوێندکارەکانت بن.